影片
更多
2010-11-21
51 浏览
星期六晏昼要揾地食野系比较难，因为唔同平日啲打工仔要为个一个钟去同时间斗快，weekend放半日或者唔洗返工既，就系一点多钟开始揾食，所以揾到都好睇彩数~但我既彩数就...一点多，去到元朗广场一心谂住食咖喱，路过元气心谂食寿司都好㖞，但又觉得好似食得好密咁（因为前几日lunch先食咗）再者门口已经见到有条人龙仔，就打消念头喇，点知去到间咖喱居然人多到无位座，望咗两望都唔见会有位既机会（因为间舖很少位，约不多于20个坐位）便转移阵地去返元气食喇（其实系自己想食，我呢啲真系超级粉丝）嘻~幸好排队都只排了10分钟就可入坐喇，有野食lu~之前试过佢地既“秋の味覚”，觉得活赤贝系7款之中最得我欢心既食物之一，真系好爽口所以今次都系谂住食返佢架，点知无货...唉...我同佢无缘啦 咁就叫其他啦，order咗小柱寿司，烧牛肋骨，汁煮海鳗，赤海虾刺身，软壳蟹手卷，跟住就系等喇...10钟后赤海虾刺身到埸，噢~依旧弹牙~~但啲虾壳未请晒，有只咬到中间位有虾壳再等...10分钟都无野到，追追单...即到...仲4碟一齐到添，但有个问题系但点解...牛肋骨会同海鳗一齐摆既？如果我同我妈妈黎就死喇，因为妈妈唔
一点多，去到元朗广场一心谂住食咖喱，路过元气心谂食寿司都好㖞，但又觉得好似食得好密咁（因为前几日lunch先食咗）再者门口已经见到有条人龙仔，就打消念头喇，点知去到间咖喱居然人多到无位座，望咗两望都唔见会有位既机会（因为间舖很少位，约不多于20个坐位）便转移阵地去返元气食喇（其实系自己想食，我呢啲真系超级粉丝）嘻~
幸好排队都只排了10分钟就可入坐喇，有野食lu~
之前试过佢地既“秋の味覚”，觉得活赤贝系7款之中最得我欢心既食物之一，真系好爽口
所以今次都系谂住食返佢架，点知无货...唉...我同佢无缘啦 咁就叫其他啦，order咗小柱寿司，烧牛肋骨，汁煮海鳗，赤海虾刺身，软壳蟹手卷，跟住就系等喇...10钟后赤海虾刺身到埸，噢~依旧弹牙~~但啲虾壳未请晒，有只咬到中间位有虾壳
再等...10分钟都无野到，追追单...即到...仲4碟一齐到添，但有个问题系但点解...牛肋骨会同海鳗一齐摆既？如果我同我妈妈黎就死喇，因为妈妈唔食牛，咁我就要食埋佢，但如果个款我唔食既咁点算...系咪可以换过碟呢？？
讲返牛肋骨，可惜系无乜味，反而点啲鳗鱼汁仲好啲~汁煮海鳗，主要系靠个汁~
至于小柱，坦白讲，未见过咁样衰既，好明显系"链"过既，因为有个好明显既凹位系度，食过小柱既朋友都知小柱唔系手握寿司，系唔需要"链"既，而且飞鱼子散落周围，睇得出跌过再摆过，但系咪跌系只碟度呢？
等食完小柱，手卷既紫菜已经唔脆身，个人认为无咁好食。
系咁既情况下，为由叫其他，但又谂唔到有咩好食㖞，咁叫咗个芝麻豆腐同日式炖蛋，觉得呢2样系最安全既，跟住都系等...今次快，5分钟即到，点知... 个豆腐唔滑既（之前未食过，但觉得豆腐应该系滑既）而且有酸味，虽然有芝麻酱，但都系食到有酸味...噢...失望~~
跟住再等...10分钟都系未到，循例追追单，跟住即到，我以为无哂要即炖呀~
总结：唔知系咪人手不足（但见到寿司师父有3名），漏单情况严重，不停追单（唔只我架，我听到店长讲架，"搅咩呀，d单乱哂既"，"又追呀＂）但你会发觉一追就会即做，即做即到，可能系咁乱咗，但可否赛后检讨呀！我都唔系好想系间餐厅度听到咁样啰~
另外，坐系我隔黎位既走咗，到我走都无人淸理，我埋单个时就个员工仲以为啲碟系我既入埋落我张单度添~
到埋单找钱个时，系我见过最动感既时候，找钱个位人兄系抛钱比你啰~仲有佢个句＂折咗~之后~XX蚊~吖~
哗！得到吖，成餐饭一句唔好意思，一句多谢，一个笑容，我都见唔到听唔到啰~
不嬲都觉得元气既食物质数系OK架，但服务态度就间暑唔同既, 元朗呢间既服务就差过出面个啲分店啰，唔通
转咗人手仲差~
张贴
