友勢日本料理 (已結業)

今晚食姑姐生日饭, 本来都不抱太大期望, 系婶婶话食过唔错就介绍我哋黎喇~我知之前系写纸仔点食物, 但依家转咗型式, 系自己出去攞食物; 价钱星期一至四食两小时$148 加一, 8人送1,时间上足够; 味道唔错, 款式算多, 有海洋, 有三文鱼, 有日式, 中式, 西式食物, 冷热盘, 仲有甜品同雪糕, 甜品一定要试一杯杯型啫喱, 果冻之类, 几好味架, 饮品都任饮, 有苹果汁, 橙汁, 豆浆 , 竹蔗茅根, 生力啤酒, 罐装汽水, 饮品哩讲好味, 唔会话系古怪味;睇佢放食物地方好似唔系好多咁, 但其实真系食得好饱同味道唔差, 三文鱼又新鲜, 又任攞, 鸡肾, 鸡软骨同牛肉串烧都好入味; 佢哋出食物都几快, 又会不时转换款式; 地方又坐得舒服, 又唔太燥, 食饭倾计真系唔错;未食过真系可以试下, 不过就记得book位, 前一日book都无问题;