木船泰國粉麵專門店 (已結業)

放工想同同事去食泰国菜，谂反起之前食过太和有间唔错既泰国餐厅，于是再次来临，但去到先知餐厅转形做泰式粉、面、饭，同事话无咩所谓，于是入了去坐低，一打开Meau巳被一碗巨大杂锦所吸引，同事就想食烧黑豚肉饭，当揭到Meau最后一页，原来仲有小食提供，价钱都好抵，十几蚊就有一款，我同同事就加了泰皇单骨鸡翼、泰式炸鱼饼，而饮品就叫左冻龙眼冰同冻柚子蜜。巨大杂锦，好大碗，里面有肉丸、鱼蛋、牛丸、牛肉片、扎肉、鸡丝，鱼漂等，配埋金边粉，份量足够两个人食，而且配料每款都有三粒，食完真的好饱。单骨鸡翅，望落好似普普通通，咬落先知原来腌制过，少少辣辣地，感觉似泰式风味，至于炸鱼饼，虽然系炸但咬落唔会干增增。朋友的烧黑豚肉饭最后送上，香喷喷，望到都流哂口水，面头有些白色一丝丝的东西，以为系姜丝，原来系青咖哩捞青木瓜丝，好醒胃，朋友急不及待要开动，佢话豚肉薄薄的，个酱汁配合得好好，加埋只太阳洗心蛋，好Juicy 野味。整体黎讲，价钱加上食物质素都算唔错。