品香樓中西風味餐廳

营业中

休息中

同事话呢间好好食，咁就带咗我地来试，午饭发现都好多野食，每日都有唔同嘅𩠌，七日唔同款，尼样嘢都几正，好过出面啲茶餐厅，日日都系蒸肉饼、蒸鱼、咖喱饭等等，真系食来食去都系呢啲，闷到死，但呢间就有啲新意，咩鲍鱼汁啊，鳗鱼汁啊，菜饭啊都有！尼样嘢要俾个赞佢！但好食度呢～以前朋友就话好好食嘅，但今次我哋成个星期都嚟呢度食，差唔多日日都中伏，食个蒜香猪扒菜饭，个蒜香猪扒真系好好味好香，但系个饭呢咸到一个点，感觉食完个菜饭要即刻去急症洗下个肾，真系冇夸张到之后有一次又食呢个饭，个饭就OK，唔会好咸，但系个猪扒就完全冇蒜香味，原本我上次食完都好挂住个猪扒，但.......朋友试过食其他嘢食都中伏，就连最简单嘅蒸肉饼都可以唔系好食，我啲朋友已经放弃咗再食呢间野......我哋都怀疑系咪换咗大厨！！！不过以$39冇汤饮都算系抵㗎啦，未试过𠮶朋友可以黎试吓！