漁川米線 (已結業)

上两年转左湾仔返工，就开始食渔川。以前味道几好，朋友介绍个墨鱼饼，豪仔等等都好味。到上年八月左右唔知系咪换左人，定请过晒新楼面全部系姐姐做，就开始变，好hea同脾气好差。我lunch通常好晏食，大约三点，入到去唔多人。谂住今次食多次个酸辣汤底，话中辣同叫埋野饮，姐姐唔理人咁，咩都唔应就行开左。过左阵另一个姐姐拎住碗鱼饼米线比我，我话系墨鱼饼呀，跟住唔理我再望下张单，系咁话唔一样价钱唔系依碗鱼饼唔同价，又走开左。到我有得食，佢话小辣，我话我叫中辣，佢话：啊 咁中辣啦 系架啦，但照样放底就走左入厨房倾计即系原来系冇分大中小？但以前落单时有得拣，定而家转左？然后碗米线一啲都唔辣谂住算啦唔紧要可能佢地本身忙。到我食完晒，野饮都未到，就问多次姐姐。姐姐「哦！」完我，比左杯清水我。。。。再问多次先话我以为你要水呀。。。跟住热饮到，都知道拿拿声饮走人算，上菜个姐姐就系咁系旁边抹枱好似觉得我饮得慢催我埋单咁。总括今次唔系一个好经验味道系ok但佢地做野态度就真系好求其。同埋个人觉得店内好腥，太大阵鱼腥味。