Gull's Kitchen (已結業)

几个月之前食过呢间，觉得好ok, 可以再嚟多次。之后听讲呢度转左手，咁但系都唔理啦照去食。点知转左手之后真系好唔掂。一打开menu, 价钱平均每碟菜比上次至少贵5蚊。我哋今次叫嘅𩠌同上次叫嘅都系差唔多一样，但系味道就争好远。卡巴个外皮完全唔脆，入面沙律多过羊肉，沙律酱就太多，搞到成个卡巴都好酸。个炒饭就更加失望。首先讲吓个酱啦，上次佢仲有三种酱，今次得返两种，但系都算啦。个饭真系劲失望，个炒饭系淋嘅，而且完全唔似上次咁饭粒粒粒分明而且平均沾上咖喱汁。今次的饭劲淋劲油 ！个饭的份量都比上次少好多 ！ 个Fish N' Chips就更加系笑话。首先，个chips完全唔系英国𠮶种大嘅薯条，而系同M记冇分别嘅普通炸薯条。或者系中东餐厅唔应该叫 fish and chips 啦！但真的好有人比人呃左的感觉 ！ 呢个唔应该叫 fish and chips, 应该叫 fish and fries ! 同上次来的经验差好远，唔会再来 ！ 枉我仲特登带从日本返来的朋友来吃，点知带她中伏 ！ 激气 ！