Quattro's Kitchen (已結業)

干邑龙虾汤龙虾味非常浓郁，口感好厚身，龙虾肉非常之多，饮落去唔会特别咸，非常开胃。蟹肉菠菜忌廉汤蟹肉意外地多，甚至有成条蟹脚肉。本身以为菠菜汤唔会好浓郁，味道偏咸，但菠菜味都好出，意外地非常之夹！白酒忌廉煮蓝青口蓝青口作为appetizer黎讲，份量好多，亦都冇净低个壳嘅情况，白酒忌廉煮得好浓郁，朋友甚至仲当佢汤咁饮都得🤣上面三块蒜蓉包整得好脆口，但又唔会油。
安格斯肉眼配红酒烧汁肉眼扒比想像中大块，都锁到啲肉汁，大约系五成熟，牛扒本身嘅味道都好足，唔使点红酒烧汁都ok。而佢旁边嘅配菜一啲都唔马虎，尤其系薯蓉同蘑菇等等，全部都好入味，蘑菇煎得啱啱好，够香又唔会太干身。
美国春鸡配鹅肝烧汁美国春鸡除咗鸡髀位之外，全部都起晒骨！鸡肉煮完之后唔会好鞋，够哂嫩滑，调味料亦都唔会落得好重手。最欣赏系佢有熟嘅蒜头，令到成个味道更加丰富。心太软配云呢拿雪糕心太软比我想像中大好多，味道偏甜，但食落去唔会觉得好腻，云呢拿雪糕香草味好香，而旁边亦都有啲菠萝同哈密瓜。