軒尼詩冰廳 (駱克道) (已結業)

呢间轩尼诗冰厅转𠮶角有两间，都几好特别，之前番工黎食两间都系茶餐厅，点知今日行过见到转晒做原来越南菜，日日番工食黎食去都系果d,新野梗系要试吓生牛肉汤河用汤浸一浸已经变熟，刚好唔会太硬。牛肉汤河俾埋青柠同辣椒碎，鲜味出晒黎。河粉份量唔算太多，刚好够食。越式咖喱牛腩饭因为次次食唔晒，叫咗少饭，咖喱几入味，但牛腩唔够淋，都咬得开嘅，70几蚊，湾仔嚟讲系正常价格，未去到好平好抵食。配埋嘢饮，叫咗杯冻咖啡，反而越式咖啡个味道几好。越式牛肉配红饭呢个上到嚟反而大大份，色香味俱全，食落牛肉多汁又够味，啱晒重口味嘅我，酸酸甜甜好开胃。跟餐叫咗杯热绿茶，味道也几好。