新斗記 (已結業)

我无数过呢度几耐会转一次餐牌，不过每一次见到佢转左之后有我心仪嘅点心，我就会高兴到不得了!我地一家4口嚟到每次都唔系嗌好多野，不过佢加价都狼狼地。好似呢个北菇滑鸡饭，佢呢度啲煲仔饭真系唔错! 因为唔系好似明星咁，啲煲仔饭系个饭煲放落去，然后焗一焗咁hea你，佢系真系有饭焦架! 同埋鸡件好滑系真嘅! 淋埋豉油上去焗一焗，真是人间美味喔~! 不过价钱都合理~呢个蚬芥鲮鱼球当然无得同中山啲蚬芥鲮鱼球比，因为我食过最好食嘅真系o系中山~ 不过呢度都唔差，上碟系热辣辣，佢地完全唔系炸粉盖住个鲮鱼球，而蚬芥亦都唔腥~ 到我最钟意嘅黑椒蒸猪肚啦~~~ 佢呢度系真系整得好好，每一旧大小适中，仲唔会有过浓嘅黑椒味，下面垫底嘅萝白都好好食。不过呢...呢碗芋头西米露就麻麻地，好稀，无乜味咁，虽然有大小西米，叫有啲口感，但明显落唔够椰汁~总括来讲，系大围区呢间饮茶真系叫好好食架啦~ 系价钱冠绝全大围啰~ 不过如果想食啲更精致啲嘅点心，可以去隔离粤轩。