食客 - 韓食一番地 (已結業)

听讲话最近转左手，冇计，啲商场系咁加租系要装修下架喇，但系我好似见到都系同一个老细，所以我相信系冇转手的。不过新装修后变得可以韩烧咁，赚多瓣!!今晚两个食，由于口碑越来越差，当然系唔驶等位。坐位安排得唔好，明明有位都要你迫埋同其他人一齐搭枱，话要调位就问你系咪食烧烤。落单分左三次，次次落到一半就走左去理其他人，已经有啲谷气啦。总共叫左四样嘢，有韩式炒年糕，韩式素面，豆腐饼同埋韩式紫菜卷。啲嘢食水平一般啦，不过不失，就系觉得废到只要你有𠮶支辣酱就可以响屋企整，完全冇特色。不过价钱对比尖咀天文台道几间地道韩式餐厅有过之以无不及。要补充一句服务态度真系好有问题，我多次听到佢吔响度细声嘲笑其他枱啲食客，放碗碟又啪啪声，纸巾都冇张，我叫加水时拎住个水壶埋嚟又走去理左其他人，服务态度好鬼轻佻，我谂佢吔真系谂住第一城佢独巿，唔忧做。以后会少去!!!!