影片
更多
2014-08-02
4097 浏览
虽然有话Happy Friday，但我就较钟意星期六，因为一至五始终都要返工，就算唔忙，做嘢都总会累积一啲倦意，而星期日点轻松，又喺会想到第二日又要返工，所以，星期六嘅感觉就最好，完晒5日嘅工作，又有个星期日做缓冲。再一次趁著悠闲嘅星期六下午，同几位朋友晌西环游转，嚟到「优闲」休闲咁叹个下午茶 ！「晌西环游转」喺讲紧同朋友揾「优闲」嘅经历，明明话晌第二街，一来一回行过都唔见，啊！原来小店晌石阶横巷之上，不过，让人感觉更宁静。认识依间小店喺从食友口中得知，知道店主阿Ling喺位小妮子，只身一人撑起成间店 ，凭干劲往前冲，逐步逐步做出一点点成绩 。小店环境唔大，呈长方形，墙壁贴上好多得意公仔，有花花草草，有热气球，有树有雀，甚有童话小国之感。由于开放式厨房已占去铺面一半嘅面积，所以，除几个吧位之外，就只有两张二人枱。而招呼、做菜、收拾都喺由阿Ling一脚踢包办晒，故此，都唔可以一次过应付太多人。就算嚟帮衬嘅朋友，都要有份悠闲嘅心，因为所有食品、饮品都喺即叫新鲜制做，要耐心等候一下。咪以为店主玩玩吓，倾谈间，佢都下咗唔少功夫，从墙上所见，贴有唔少厨艺证书，试埋佢手势之后，处事认真，对食
「晌西环游转」喺讲紧同朋友揾「优闲」嘅经历，明明话晌第二街，一来一回行过都唔见，啊！原来小店晌石阶横巷之上，不过，让人感觉更宁静。认识依间小店喺从食友口中得知，知道店主阿Ling喺位小妮子，只身一人撑起成间店 ，凭干劲往前冲，逐步逐步做出一点点成绩 。
小店环境唔大，呈长方形，墙壁贴上好多得意公仔，有花花草草，有热气球，有树有雀，甚有童话小国之感。由于开放式厨房已占去铺面一半嘅面积，所以，除几个吧位之外，就只有两张二人枱。而招呼、做菜、收拾都喺由阿Ling一脚踢包办晒，故此，都唔可以一次过应付太多人。就算嚟帮衬嘅朋友，都要有份悠闲嘅心，因为所有食品、饮品都喺即叫新鲜制做，要耐心等候一下。
咪以为店主玩玩吓，倾谈间，佢都下咗唔少功夫，从墙上所见，贴有唔少厨艺证书，试埋佢手势之后，处事认真，对食物有要求，功夫扎实，都喺小弟对佢嘅评价 。
既然餐厅叫得「甜品班戟店」，法式班戟自不然成为主打，翻一翻餐牌，班戟有甜有咸，前者占多数，一共有12款（$28 / 半份，$40-$44 / 全份），不过咸嘅亦有7款（$25 / 半份，$38 / 全份）；此外，仲有其他特制嘅班戟同甜品，如心太软、法式焦糖炖蛋，以及咸点牛角包。另一方面，亦提供多种饮品类别，如即磨咖啡、抹茶特饮、丝慕雪（smoothie）……等等。
#9芒果配焦糖汁伴榛子雪糕班戟 $28 其实所谓半份、全份，都喺讲做班戟时个直径做几大，小弟拣坐吧位，最好就喺可以睇到店主点整份班戟。熟练嘅手势三两下就整好饼皮，再加入芒果肉、鲜忌廉、焦糖汁，卷起之后，放上Movenpick榛子雪糕（原餐牌喺士多啤梨雪糕，可以更改）及榛子仁（可拣杏仁碎或朱古力粒）就大功告成。
班戟皮又薄又绵，富蛋香，边位又香脆可口，而原粒榛子仁既脆且香，大大粒好有睇头；至于，Movenpick榛子雪糕榛子甜浓，香甜柔滑 ；班戟内大大片嘅芒果肉，清甜好味，向店主问过，芒果采用吕宋芒，所以，质素有番咁上下，店主仲话，焦糖汁、鲜忌廉都喺自家煮、自家打，务求焦糖汁唔会太甜，而鲜忌廉亦唔会太「漏」 ，所以，一啖一心机，$28其实好抵食。有时晌啲雪糕专门店食球雪糕都几十蚊啦，何况依家仲有咁多嘢 。
#7红桑莓配士多啤梨汁云呢嗱雪糕班戟 $28 同样落料十足无欺场，云呢嗱雪糕香滑，再配以酸爽嘅红桑莓、香脆嘅榛子仁，内里混有味道自然嘅士多啤梨汁，一样具水准嘅法式甜班戟。
玛莉鸡肉芝士班戟 $40 试过甜，点都要试份咸嘅，依个喺3款特色咸班戟之一，其余两款喺生果配棉花糖班戟及自家咸牛肉芝士班戟，而特色咸班戟无分半份 / 全份，只有全份份量。原来全份真喺几大份，拎上手好有重量感，而卷起嘅班戟有近成呎高，一个人食一份可以够饱肚 。所有咸班戟都可以配一款酱汁，选择有沙律汁、法汁或千岛汁，我哋拣咗千岛汁，整体而言，味道又真喺唔错㖞，鸡肉落得无手紧，软滑又有香草味，有埋火箭菜、芝士，令味道唔单调，有层次 。店主话个班戟饼皮跟甜嘅有少少分别，初头无留意唔多觉，讲完之后再食多两啖，感觉倒有些微分别，原来甜嘅以小麦粉做，至于咸嘅则用乔麦粉做，估唔到少少饼皮都咁考究。
法式班戟制作认真有水准，又试埋啲饮品如何？依家外面郁吓都超过30°C，由电车路行上嚟第二街话长唔长，短亦唔算短，但足够行到一身汗，所以，冰凉嘅嘢饮喺首选，否则，平时嘅我多数都一杯鲜奶咖啡衬住食甜品。
Purple Smoothie $29 丝慕雪有3款味道：Summer Pink Lady、Purple及Yellow，随意挑咗一杯Purple Smoothie，其实睇住店主做杯丝慕雪，都可以喺件赏心乐事。紫红色嘅Purple Smoothie，外表带点冷艳，以香橙、蓝莓、香蕉鲜果肉打成，只喺加咗少少糖水，称得上成份天然，不过，奇怪在唔见佢整嘅时候有落奶或忌廉，有别其他做丝慕雪嘅手法，不过，入口质感仍然够绵密细滑，果香四溢，天然清爽，冰冻透心，绝对喺杯对抗盛夏热浪嘅消暑奇冰 。
冻忌廉红豆牛奶抹茶 $36 朋友所点嘅牛奶抹茶，同样唔失礼，以鲜奶咖啡嘅手法做出嘅牛奶抹茶，抹茶味不俗，口感幼滑，虽然杯面唧咗唔少忌廉，但忌廉都喺自家打，少甜，轻盈，将抹茶搞匀都唔会太甜赚。再者，红豆都采用大粒靓货，煮得软腍清甜。
「优闲」虽然地方细细，但坐落感觉舒适，真喺有一份休闲。对区外客而言，佢个位置确实有少少隔涉，但感受得到店主对食物嘅热诚同认真，加上咁嘅价钱有如此质素，值得再继续支持 ！希望小店继续努力！
张贴
