Plato (已搬遷) 新店位置

已经好耐无静静地坐低食个early dinner，尤其配合呢间转角小巷嘅cafe更显优闲。是日餐汤为忌廉汤，粟米味好甜，特地升级其中一个餐汤做龙虾汤，相对之下龙虾汤好浓，虽然就无咩龙虾肉，但口感都唔错。今日唔系好想食heavy嘅嘢，专登叫咗两个比较清新嘅set dinner。烤鸡凯撒沙律好fresh，酱汁嘅份量刚刚好挂起每片沙律菜上，唔会多到浸腍晒。烤鸡尚算嫩滑，整体感觉良好。香煎青衣鱼柳都唔错，鱼柳唔会散修修，配菜都好味道，烤薯仔好香口，配蘑菇汁食更加好食。最后加配咗个tiramisu。呢度嘅tiramisu比较重咖啡味，酒味唔算多，质感较为厚身；cream并唔算油腻，甜度刚刚好，配埋餐茶为呢一餐划上一个完美的句号。