I's Corner

营业中

休息中

自从何文田港铁站开通后，可以有更多机会去土瓜湾一带揾食，今日经过街角呢间小 cafe，觉得感觉几舒服，就即管入黎试下。餐厅面积唔大，大约只有廿个位，我地一行两人七点左右黎到，好彩都唔系太多人，唔需要等位就可以入座。餐牌有多款汉堡包及意粉选择，亦可以拣全日早餐。香辣蒜香海鲜炒扁意大利面 :上台时蒜香味浓郁，海鲜有蚬肉、鱿鱼圈及青口，相当丰富，意粉口感弹牙唔韧，入口时辣度十足，非常惹味。铁板鸡堡 :汉堡包都几大个，松软嘅面包夹住煎鸡肉、生菜及芝士，鸡肉煎过后非常香口，同蜜糖芥末酱好夹，上菜时餐厅已经将汉堡包一分为二，令客人食得更方便。配菜有即炸厚薯条，热辣辣相当好味，令我地都忍唔住要encore多一份薯条。黑醋蜜糖鸡翼 :鸡翼即叫即焗，鸡翼皮香脆而肉质嫩滑，黑醋蜜糖味道酸酸甜甜，再加入少量黑椒，令鸡翼更香口惹味。餐饮拣咗cappuccino，味道香浓，食饱饱慢慢饮返杯份外舒服。呢间小cafe虽然位置唔太就脚，但感觉宁静舒适，同朋友黎倾下计就最适合不过。