Macky's (已結業)

#20112019今晚行黎行去都谂唔到食咩。突然系墙上面见到贴左啲食物相，比佢吸引左入去试试。set menu主要系burger 或者pasta，价钱～$78-88 再加一，包埋汤/沙律同饮品。另外仲有小食、啤酒等等，款式都算ok既。最后，嗌左一个难忘的汉堡&带子青酱烩意粉&虾酱味鸡翼。味道正正常常，有罗宋汤既酸味。而且啲材料都几充足，餐汤黎讲唔差。其实佢仲有几款汉堡，不过因为个名，所以就试下佢啦。见唔见到块汉堡几厚😋好彩又唔会好干㖞，所以好味。不过如果多啲蕃茄/酸瓜就更好，更加开胃几钟意呢碟意粉！意粉质感唔会太软太硬，青酱既味道好浓，而带子煎香左佢，成个配搭岩岩好。鸡翼有三款味道拣i)芝麻 ii)蒜香 iii)虾酱。谂紧边款既时候，店员介绍可以一试虾酱就试下啦。呢个味道我比较少配落鸡翼到，但出奇地夹啵。脆卜卜加上非常出既虾酱味，会食虾酱既人真系可以试试👍🏿