串燒屋

营业中

休息中

最近成日听朋友介绍呢间串烧屋好特别而且好好食，虽然自己住喺观塘，但系竟然未试过，就一于今日约埋朋友嚟试啦。一去到虽然时间只系六点几，但系餐厅已经好多人，好彩等咗一阵位就入得。见到出面有饮品柜系自己自助形式嘅，而且出面仲有甜品同啤酒拎，啱晒一大班朋友倾偈同饮啤酒呀。呢间餐厅有别于其他任食串烧，佢嘅环境好干净，而且枱面有个炉，除咗可以一直烧住啲串烧唔怕冻晒之外，佢最特别嘅系仲识得转转吓，非常得意。我谂如果带小朋友嚟，佢哋一定都会好开心。我自己觉得最抵赞嘅就系呢个牛肉串，佢嘅牛肉好高质，而且牛味好重，又大嚿又惹味。另外，呢度嘅海鲜都非常新鲜，我自己就最钟意呢个烧虾。佢嘅虾肉质非常弹牙，而且大大只，一食落就知道佢系新鲜虾。呢间餐厅又抵食又好玩，唔怪得咁多人啦，下次朋友聚会都一定会提议呢度呀。