影片
更多
2022-08-10
89 浏览
喺赫德道酒吧街饮完Happy Hour之后，谂住揾嘢食…..点知街口行到尾到转角就发现到有呢一间日本餐厅-八海山。就算唔系连锁式嘅餐厅，佢都主打一啲空运日本货，而且仲有好多日本清酒选择可以饮，岩晒一大班朋友嚟。坐低后，店员就热心咁样为你奉上一杯热茶同埋前菜中华沙律。忌廉薯蓉饼呢个炸饼做得非常好，佢入边嘅忌廉薯蓉磨到非常之幼，食落好Creamy。佢既外层脆脆，薄薄嘅面包糠炸得颜色金黄，火候控制非常之准确，两者啱啱成为强烈嘅对比，口感丰富！杂锦鱼生拼盘呢个拼盘好好，总共有六款嘅鱼生俾你去试，够晒丰富。包括赤身吞拿鱼、海胆、大海虾、带子、八爪鱼同埋剑鱼。全部嘅鱼生片都系厚切，所以食起嚟特别重鱼味同埋油脂香，所有嘅海鲜都非常之咁鲜甜同好味。食完生嘅鱼生，今日梗系试吓热辣辣脆卜卜嘅天妇罗啦。叫咗呢一个杂锦天妇罗，都有好多唔同嘅袋材，有芦笋、矮瓜、冬菇同埋海虾。睇佢嘅火候控制已经掌握得炉火纯青，而且佢个天妇罗够晒薄，所以食起嚟唔会觉得油腻，反而可以食到本身食材嘅鲜味！牛油焗帆立贝见唔见到佢呢一个碟上面嘅汁？就系有浓郁嘅牛油香气再加埋帆立贝嘅海鲜甜味，简直系一级带子肉，厚肉已经清洁咗，所以食起嚟非常
坐低后，店员就热心咁样为你奉上一杯热茶同埋前菜中华沙律。
忌廉薯蓉饼
呢个炸饼做得非常好，佢入边嘅忌廉薯蓉磨到非常之幼，食落好Creamy。佢既外层脆脆，薄薄嘅面包糠炸得颜色金黄，火候控制非常之准确，两者啱啱成为强烈嘅对比，口感丰富！
杂锦鱼生拼盘呢个拼盘好好，总共有六款嘅鱼生俾你去试，够晒丰富。包括赤身吞拿鱼、海胆、大海虾、带子、八爪鱼同埋剑鱼。
全部嘅鱼生片都系厚切，所以食起嚟特别重鱼味同埋油脂香，所有嘅海鲜都非常之咁鲜甜同好味。
食完生嘅鱼生，今日梗系试吓热辣辣脆卜卜嘅天妇罗啦。叫咗呢一个杂锦天妇罗，都有好多唔同嘅袋材，有芦笋、矮瓜、冬菇同埋海虾。睇佢嘅火候控制已经掌握得炉火纯青，而且佢个天妇罗够晒薄，所以食起嚟唔会觉得油腻，反而可以食到本身食材嘅鲜味！
牛油焗帆立贝
见唔见到佢呢一个碟上面嘅汁？就系有浓郁嘅牛油香气再加埋帆立贝嘅海鲜甜味，简直系一级带子肉，厚肉已经清洁咗，所以食起嚟非常之方便。但系最好味嘅就系碟上面嘅杂菌，吸收晒呢一个汁嘅精华。
香葱虾肉蛋卷
其实煎蛋都几难！要煎到好似佢咁样金黄色，都好讲求技术。仲要入边包住左一层嘅虾胶，所以都好花功夫，值得欣赏。
牛肉汤乌冬乌冬当然系日本货，食落爽口弹牙、配衬埋一啲嘅海藻令个汤就更加升华。
完左咸点，最后都叫咗一人一球雪糕作为呢一餐嘅完美结束。
张贴
