影片
更多
2023-04-09
809 浏览
平时从来唔写食评，一嚟懒，二嚟觉得多我一个唔多少我一个唔少。但今次发现好似未有人讲返呢个变差嘅情况，所以决定要写一次。食前冇影相，因为本身无谂住写评价。但Openrice无相又话个食评会跌落底，所以影咗张食完后嘅相。一两个月冇食BakeOut，今日谂住叫外卖自取。叫嘅时候唔记得个包叫咩名，所以睇下Openrice，结果发现转咗menu，同埋加咗价。唔紧要，经济差百物腾贵，唔加都唔正常啦。咁我就叫返我最中意食嘅 热熔芝士七味辣肠热狗 跟餐要薯条同热咖啡。入到去，发现menu的确系换晒，连个最出名嘅粉笔画都比人抹走咗，痴咗张menu上去野食到嘅时候，我话比visa，个店员就话部机坏咗。我话咁八达通吖，个店员就问我可唔可以用现金，但又冇讲特别原因。咁好啦唔紧要，虽然就咁落楼外卖自取，但我都有带张100蚊纸傍下身。我问佢拎胶袋装热咖啡，佢话要收一蚊。下，热辣辣嘅野饮唔比胶袋我要我徒手拎？但系为咗悭一蚊，我决定唔要。结果拎返去途中热到转咗几次手，返到去直情连手都红晒。终于可以开餐。佢哋啲薯条以前真系几好食架，系好厚身嘅薯角嚟，外卖自取完返到屋企都仲热辣辣又挺身。点知今次见到嘅薯条上面全部都系盐，
但今次发现好似未有人讲返呢个变差嘅情况，所以决定要写一次。
食前冇影相，因为本身无谂住写评价。
但Openrice无相又话个食评会跌落底，所以影咗张食完后嘅相。
一两个月冇食BakeOut，今日谂住叫外卖自取。叫嘅时候唔记得个包叫咩名，所以睇下Openrice，结果发现转咗menu，同埋加咗价。
唔紧要，经济差百物腾贵，唔加都唔正常啦。
咁我就叫返我最中意食嘅 热熔芝士七味辣肠热狗 跟餐要薯条同热咖啡。
入到去，发现menu的确系换晒，连个最出名嘅粉笔画都比人抹走咗，痴咗张menu上去
野食到嘅时候，我话比visa，个店员就话部机坏咗。我话咁八达通吖，个店员就问我可唔可以用现金，但又冇讲特别原因。
咁好啦唔紧要，虽然就咁落楼外卖自取，但我都有带张100蚊纸傍下身。
我问佢拎胶袋装热咖啡，佢话要收一蚊。
下，热辣辣嘅野饮唔比胶袋我要我徒手拎？但系为咗悭一蚊，我决定唔要。
结果拎返去途中热到转咗几次手，返到去直情连手都红晒。
终于可以开餐。
佢哋啲薯条以前真系几好食架，系好厚身嘅薯角嚟，外卖自取完返到屋企都仲热辣辣又挺身。
点知今次见到嘅薯条上面全部都系盐，又软临临湿晒咁，未食已经唔觉得好食，食落口真系同以前差太远。
而个热熔芝士七味辣肠热狗以前都系好好食，肠又长又juicy，七味粉又溶埋系啲芝士入面，好足料。
结果今次换嚟嘅系条廉价嘅黑椒肠，咬落去系又鞋又干身，而啲芝士少咗好多，七味粉就咁婶系上面，食完唔知自己食咗啲乜。
唯一无乜伏嘅就系杯咖啡，除咗无胶袋辣手之外。
总结返，各式各样嘅悭到尽表现：
1. 收现金唔洗比信用卡/八达通收手续费
2. 胶袋1蚊
3. 廉价材料
4. 用料唔再大方
连粉笔画都抹走埋，应该已经唔再系黄店，综合以上各种情况，怀疑间舖已经换咗老细或者换咗管理层。
今次应该系我最后一次食BakeOut，sa yo na ra。
张贴
