永年士多 (兆安廣場)

营业中

休息中

講起永年，應該好多人都聽過佢既大名。本人之前有幫趁過佢既盆菜，都算幾好食，今次專登黎吃個快車仔麵，因為特然好掛住佢個辣醬，吃過真係會記得個隻味！叫左個三送，牛腩牛柏葉雞翼米粉，小辣咖哩醬。先講下個湯底，作為車仔麵既靈魂所在，永年既湯底有好多唔同既香料味，飲落甜甜地又帶有少少鮮味，個人幾中意。牛腩煮到好諗，一份有3舊都幾大舊，一啖吃落口非常滿足，牛味醬香慢慢係個口入面散開，正！牛柏葉都幾新鮮，煮到剛剛好， 吃落爽口，正！但雞翼就比較失色，肉質有少少柴。米粉都好靚，煮得岩岩好又掛到汁，車仔麵就係要食依d! 唯一唔滿意就係太逼，不過依個都係車仔麵既通病，無得投訴。