智景車仔麵 (已結業)

夜晚係油塘有嘢做，要快快脆搵啲嘢食，行到去大本營巴士站出面就見到嘉華商場有幾間茶廳，朋友就話想食車仔麵就入咗去。舖頭好細，我諗可以坐既位置應該十個人都唔夠，不過唔洗等就不成問題喇。呢間車仔麵比較特別既係佢有得揀一啲另類啲麵款，例如係刀削麵同關廟麵，而且都唔洗另外加錢，不過公仔麵fans既我就都係揀咗公仔麵今次，同埋叫咗麻辣汁湯底，因為叫咗佢有得賣一樽既自家麻辣汁，我諗都會唔錯。麻辣湯底果然好惹味，不過都偏辣，我都要慢慢食先搞得掂。而牛筋佢俾咗好多，又好「林」，好鍾意！豬大腸都幾好味！另外都食咗朋友既一舊豬紅，雖然佢餐單上寫係辣豬紅，但係食落去都OK，唔太辣，豬紅都好爽口。另外我地都夾份叫咗個招牌口水雞，佢係用比較似麻醬味既醬汁，都OK。