智景車仔麵 (已結業)

夜晚系油塘有嘢做，要快快脆揾啲嘢食，行到去大本营巴士站出面就见到嘉华商场有几间茶厅，朋友就话想食车仔面就入咗去。舖头好细，我谂可以坐既位置应该十个人都唔够，不过唔洗等就不成问题喇。呢间车仔面比较特别既系佢有得拣一啲另类啲面款，例如系刀削面同关庙面，而且都唔洗另外加钱，不过公仔面fans既我就都系拣咗公仔面今次，同埋叫咗麻辣汁汤底，因为叫咗佢有得卖一樽既自家麻辣汁，我谂都会唔错。麻辣汤底果然好惹味，不过都偏辣，我都要慢慢食先搞得掂。而牛筋佢俾咗好多，又好「林」，好钟意！猪大肠都几好味！另外都食咗朋友既一旧猪红，虽然佢餐单上写系辣猪红，但系食落去都OK，唔太辣，猪红都好爽口。另外我地都夹份叫咗个招牌口水鸡，佢系用比较似麻酱味既酱汁，都OK。