炊公館

营业中

休息中

名厨效应, 慕名阿一 又到出粮嘅大日子！辛苦工作咗一个月，梗系唔好亏待自己，豪一豪食餐好！！！今次lunch嚟咗iSQUARE 29楼 。阿一海景饭店同炊公馆都系同一层，属同一集团。阿一以食鲍、参、翅、肚同埋小菜为主，而炊公馆价钱亲民少少，而且佢哋两间嘅点心都系一样，所以今次我哋就决定去试炊公馆。入到去环境唔错，清静、宽敞，而且对住个海景，环境真系好舒服。今次我同同事叫咗3个炊公馆嘅点心套餐。五香素鹅拼蜜汁西班牙叉烧素鹅有浓浓嘅烟熏味，腐皮入面包住好多菇，口感清新；而叉烧肥瘦适中，味道唔错，但缺少一阵烧过嘅香味。怀旧脆虾多士酥脆鲜甜，虾鲜味爽口又弹牙，好食！一哥鲍鱼酥·笋尖鲜虾饺·蟹子西班牙豚肉烧卖·蚝皇叉烧包其实拣呢个set，其中一个原因道系为咗个鲍鱼酥，好彩无令我失望，鲍鱼炆得好好味，真系冇得输。虾饺同烧卖都唔错，用料新鲜！龙虾海鲜灌汤饺先尝啖汤，鲜甜无比，但系个灌汤饺就冇乜特别。香煎肠粉、迷你珍珠鸡、香滑芝麻糊呢三样嘢都系正常水准，冇乜特别。整体食物质素都唔错，加上优惠，其实都几抵食，但侍应人手唔够，服务认真麻麻。