Chapter 1 Cafe (已結業)

收工之后⋯当然想去揾食啦🤘🏼之前系openrice见到依间Cafe已经想试，所以同个朋友就去试下la，地址唔难揾，八点左右去到，满座但好彩唔使等位，因为最后一张枱比我地坐咗啦餐厅地方好细，人手好少，食物大约要等20分钟左右啦，可能我去𠮶日比较多人。我哋叫咗一个set dinner,但系因为个餐汤卖晒，所以就转左薯角，下次有机会好想试吓𠮶个汤另外就叫咗两个小吃，一个系必食芝士焗蘑菇，一个小食拼盘。真心推介依个焗蘑菇好好食👍🏼个餐我哋就叫左依个白汁烟肉意粉，个鸡蛋系要捞匀佢先至再食嘅，个味道唔错。饮品我哋叫咗士多啤梨朱古力奶昔，其实就觉得一般般，因为系比较唔冻，唔冻嘅奶昔有少少怪，饮品有少少失望。但系我见餐牌其实有花茶既饮品，下次有机会会再试吓。