麻辣風雲 (京都廣場) (已結業)

食麻辣嘢嘅舖头喺香港越开越多，本身唔太食辣嘅朋友都比我调校到无辣不欢。今次晚市嚟到铜锣湾楼上嘅呢间餐厅，都几多人食。叫咗三个主菜：宜宾凉拌冷面，黄金虾，辣子田鸡黄金虾系大部份港式嘅餐厅都会有嘅菜式，因为香港人太钟意食咸蛋黄，所以点整都好好食。虾肉鲜甜，虾壳处理得好好，大大只份量都足，好适合𩠌饭。辣子田鸡系辣子鸡嘅变奏版，田鸡肉炸得好香口，麻辣叫咗小辣，味道唔会太重，钟意食田鸡嘅唔好错过。可惜整体都比较多骨，调味咸咗少少，所以唔怕食多骨食物同重口味人士必点。重头戏系主食嘅冷面，味道有少少似带咗我返四川。面嘅质地比较硬身，有好多配料：花生、芝麻、葱、海椒油，咬开啲花椒有一阵阵麻痹嘅感觉，好过瘾。虽然有啲香料食唔出系咩，但系食完嘅香味喺口腔入面后劲几强烈，余韵悠长。因为整体食物比较重口味，所以嘢饮都叫咗几杯水蜜桃杂果茶，好解渴。椰汁沙冰就比较解辣，最后都系要叫多支津路，清一清个喉咙。见到餐厅午市套餐好似抵食啲，下次lunch再嚟试过。