影片
更多
2019-06-15
75 浏览
听讲尖沙咀呢间「重庆洪鼎火锅」嘅麻辣汤底超级辣，今日好辛苦先拉到男朋友陪我去食🙈.位于尖沙咀亚士厘道嘅「重庆洪鼎火锅」，装修得古色古香，顺著楼梯落到地库，老中国嘅味道更为得出，而座位宽敞，坐得舒服，唔会感到压迫感。.汤底：正宗洪崖洞麻辣锅。中辣+养颜木耳鸡汤 （$98）我哋就拣左双拼锅。作为麻辣控，必叫招牌正宗洪崖洞麻辣锅是常识吧🙈而另一边嘅木耳鸡汤就特别为咗男朋友而设😂 麻辣锅用咗唔同嘅辣椒炒煮而成，放入唔少嘅花椒，汤底呈瘀红色，香辣劲中带麻，值得一提嘅系麻辣汤唔会随著加入高汤而愈煮愈淡，反而愈煮愈香添！而另一边嘅木耳鸡汤，汤底则有半只鸡， 真材实料👍💁♀️小妹建议：麻辣汤底真系几辣，如果平时食开中辣，最好就down返一个grade啦🤣.火锅配料：配料大致分为六类，肉类，牛类，海鲜刺身类，手工丸饺类，粉面类同蔬菜类。值得一提嘅系，仲有六大拼盘，分别有三款海鲜拼盘同三款牛肉拼盘，除咗材料更高级外，系冇得单点㗎❗️.迷你海鲜拼盘A ($278)新鲜度真系爆晒灯！为咗保持绝对嘅新鲜，石蚌鱼系即叫即㓥，师傅再用超强嘅刀工，系生猛嘅石蚌鱼上切出一片片超薄晶莹剔透嘅鱼肉刺身。即使拎到上枱，石蚌鱼头
听讲尖沙咀呢间「重庆洪鼎火锅」嘅麻辣汤底超级辣，今日好辛苦先拉到男朋友陪我去食🙈
.
位于尖沙咀亚士厘道嘅「重庆洪鼎火锅」，装修得古色古香，顺著楼梯落到地库，老中国嘅味道更为得出，而座位宽敞，坐得舒服，唔会感到压迫感。
.
汤底：正宗洪崖洞麻辣锅。中辣+养颜木耳鸡汤 （$98）
我哋就拣左双拼锅。作为麻辣控，必叫招牌正宗洪崖洞麻辣锅是常识吧🙈而另一边嘅木耳鸡汤就特别为咗男朋友而设😂 麻辣锅用咗唔同嘅辣椒炒煮而成，放入唔少嘅花椒，汤底呈瘀红色，香辣劲中带麻，值得一提嘅系麻辣汤唔会随著加入高汤而愈煮愈淡，反而愈煮愈香添！
而另一边嘅木耳鸡汤，汤底则有半只鸡， 真材实料👍
💁♀️小妹建议：麻辣汤底真系几辣，如果平时食开中辣，最好就down返一个grade啦🤣
.
火锅配料：
配料大致分为六类，肉类，牛类，海鲜刺身类，手工丸饺类，粉面类同蔬菜类。值得一提嘅系，仲有六大拼盘，分别有三款海鲜拼盘同三款牛肉拼盘，除咗材料更高级外，系冇得单点㗎❗️
.
迷你海鲜拼盘A ($278)
新鲜度真系爆晒灯！为咗保持绝对嘅新鲜，石蚌鱼系即叫即㓥，师傅再用超强嘅刀工，系生猛嘅石蚌鱼上切出一片片超薄晶莹剔透嘅鱼肉刺身。即使拎到上枱，石蚌鱼头同尾仲郁紧架！刺身味道极之鲜甜而且爽口，肉质肥美嫩滑，口感十足，不愧为鱼中极品！另外仲有竹串海虾，活鲍鱼同贵妃蚌，都系非常新鲜！
.
鲜虾水饺。全份（$58）
鲜虾水饺皮薄馅多，里面有大大粒鲜虾仁添🍤
.
超级邪恶午餐肉。 半份 （$32）
邪恶午餐肉同超级邪恶午餐肉既分别在于，前者系薄切，而后者系厚切。 午餐肉切成粒状再炸至酥香，就咁食都好好味😍
.
重庆苕粉 ($38）
我都系第一次见呢种薯粉🙆♀️全身系墨绿色，外型好似海带，口感比普通薯粉更烟韧爽口👍
💁♀️小妹建议：煮耐少少，口感会更佳❗️
.
蟹籽墨鱼滑 （$78）
大大旧圆姑碌，顶层仲有蟹籽做点缀，好吸睛呀💕打至起胶，入口爽口弹牙，味道浓郁！
.
P.S. 洪鼎嘅餐具设计得超级体贴，两碗相连嘅设计，一边可以放酱汁，而另一边则可以放食物，中间可以放筷子，仲有一个迷你格汁网添！名副其实嘅四合一🤣
张贴
