麻辣派對 (金百利廣場) (已結業)

依间餐厅装修好特别，比较怀旧，周围挂左好多相，睇落唔似食川菜。坐位好阔坐得几舒服，而且侍应服务态度好好！叫左水煮鲈鱼同麻辣鸡锅，因为本身唔系好食得辣，所以两个都拣左减辣。水煮鲈鱼加左金菇同水晶粉，一上台好香麻辣味！d鱼都几新鲜，又冇咩骨。而水晶粉同金菇索左d汤好入味，又香又辣！好正呀！而麻辣鸡锅就加左虾同莲藕，d鸡都几入味，而且切到细细旧好易食。莲藕麻辣得黎好爽甜！d虾炸到金香再捞落个麻辣鸡锅，香得黎又有虾既鲜味，而且又唔会太过咸，正！食完仲有甜品送！贵花啫哩虽然细细杯，但系有清香贵花味，又唔会太甜，仲可以解辣！好细心呀。