花椒子 (已結業)

約左個嗜辣嘅朋友去食飯，所以揀左間川菜。一入門口，就見到warning，係咪真係會辣到上太空？gimmick幾creative丫。餐廳環境闊落，枱同枱之間有一定距離，仲有唔少霓虹燈裝飾，幾啱打卡。一坐低侍應都會主動問飲咩茶，又會簡單推介食物，並可以自助用手機落單。咁我地叫左招牌花椒魚頭鍋，追加左隻美蛙🐸一上枱就feel到辣，魚頭都幾大個，夠3-4人食，肉質唔霉，隻蛙肉質好滑，放入鍋淥一淥就啱啱好。酸菜鱸魚片酸菜味突出，唔會死咸，魚片嫩滑無骨，湯底仲配有蘿蔔粉絲等配料。其實我本身唔太食得辣，但配住杯芒果冰茶，都冇問題。順帶一提，好欣賞落單時唔單止可以揀小辣，仲有得揀少油少鹽連續2道濃味主菜，我地叫左香蒜炒萵筍絲，略嫌萵筍絲炒得唔夠乾身。最後仲叫左玫瑰冰粉做甜品，味道不錯，但貌相同菜牌就有少少岀入。