黃記煌三汁燜鍋 (已結業)

有时辣瘾起真系会好想好食辣野去刺激下。朋友介绍呢间餐厅好有辣劲所以一于黎食下位置系尖沙咀方便又就脚，而且地方环境干净，一边坐一边食同朋友吹水最好不过主要系食焖锅，之后可以当系火锅咁架不同配料去食。小妹拣咗个自选焖锅，可以拣自己想食既野，拣咗猪肠、鱼、蚝、牛肉、几款。一上枱职员拎了一座六宝盒，每一层放的都有不同，有洋葱、西芹配料、酱料等等，见到都几得意呢个焖锅可以话愈食愈辣，唔食得辣既要慢慢小心食，但爱辣之人一定食得好过瘾，而且猪肠等等的主食好入味，相信之前已经有处理过，呢个小妹既最爱现场仲有小食冷盘同埋其他火锅配料，所以岩哂一班朋友一边食一边倾