唯一雲貴川風味

营业中

休息中

喺荃湾食米线， 一条街跌落嚟嘅招牌都有排拣，讲食开又营业一段日子嘅铺头当然有呢间份。 盛兴果时排晒长龙， 而家见唔到人龙唔代表佢唔好食㗎。前铺系得几张台，啲呀姐好好㗎，只要有位，你想拣边个靓位都得，绝对唔会强迫你指定位，同人教硬迫一张枱，然后同隔离唔识嘅人筷子打筷子，膊头掂膊头。餐牌就喺墙上，拧到颈歪睇食乜， 唔好畀佢餐牌上面嘅xx+xx吓到， 啲𩠌系自由配， 唔系限于xx+xx。次次唔使谂一定要叫鸡翼，入晒味，又淋，又香滑。几高g嘅猪肠都要点，随碗有芽菜、酸菜， 最出色就系个汤底，食过就个几难忘，食到抹鼻水都要食。因为带小朋友唔食辣，我叫一碗一𩠌唔辣小米线，呀姐提议我咁样叫比小朋友， 即时觉得好为客人著想。出名嘅铺唔一定"略水" 虽然佢地声大大声粗粗，我觉得唔代表系服务差㖞。 其实我叫一碗小米线，佢根本冇必要提议你咁叫。人情和道理嘅关系。 除咗佢咁贴心嘅服务， 难以抗拒的味道， 无论如何都会返转头再食!!每次坐低即刻问有冇大枝豆浆，又抵又好饮。