芭提雅泰國菜館 (已結業)

和老公＝３＝第二次黎芭提雅,一坐低就送上辣辣地的虾片同两杯水,虾片无论你要唔要都要俾$10,我地叫左三样野。生菜包肉碎,大约四五十蚊,今次已是第二次食,因为我地都觉得好好食。首先D肉碎真系好juicy,味道就好似香辣惹味的冬阴公,有好大的青柠味,配埋生菜,真系好正好正!!!!!不过唯一美中不足的地方系D生菜真系几细块,仲细过手掌,都咪话几难包住D肉碎。另外叫了炭烧鱿鱼($98)。以生菜做垫底,配以超酸的汤汁,下面有炉一路烧住。鱿鱼都算几大只,而且几嫩滑,但食落去味道其实都无咩特别,反而D生菜就入哂味。老公认为D鱿鱼用黎炒会好过就咁烧。最后是鲍顶颈炒饭($55),用木桶装住,有鲍鱼片、猪颈肉,腰果同蛋碎。呢个饭唔辣,但加入腰果同蛋碎,成个饭都好香口好好味,而猪颈肉就几爽口。服务都唔错,会主动过黎加水。