影片
更多
2019-02-09
145 浏览
难得下星期有成个星期假，今日星期五最后一日反工梗系玩下，所以就约左阿妹行下年宵。不过放左工都六七点，所以就决定去下屋企附近既观塘年宵市场。去到观塘站就想揾间正正地嘅餐厅食下先，咁我就记得之前有个无辣不欢嘅四川菜爱好者朋友四围叫朋友一齐去一间叫”川味港”，就想去试下系咪真系咁正行左去食。 间餐厅离火车站都好近下，五分钟内行到华成工商中心，搭升降机到十三楼然后行上一层就系。睇佢嘅餐牌，除咗招牌嘅水煮鱼等四川菜色，仲有好多唔同款嘅客饭包括唔辣嘅客饭。不过因为我地平时都有食下辣，对自己嘅食辣能力都有啲信心嘅，所以就叫左两个四川辣野试试佢，我地就叫左麻辣珍肝同毛白旺。 四川菜嘅辣果然系非同小可，好辣！麻辣珍肝香气扑鼻，猪肝嘅辣椒味十分入味同埋好鲜香，香料味十足，咸味合适。加上我好钟意食洋葱，佢炒得唔会太熟岩岩好，配搭辣椒嘅味道超正，并衬托出整道菜嘅辣味。 毛白旺嘅麻味同辣度十足，其中浓烈嘅麻味全靠盆中粒粒花椒，辣椒入味，麻辣汤底油而不腻。锅中有猪红、猪肚、鲩鱼肉同豆卜等宝物，份量充足，混和四川辣味十分滋味！虽然对我地黎讲好辣，但系慢慢系锅中寻宝食都系好欢乐美味。 此外，餐厅环境几好，有三张大圆枱
间餐厅离火车站都好近下，五分钟内行到华成工商中心，搭升降机到十三楼然后行上一层就系。睇佢嘅餐牌，除咗招牌嘅水煮鱼等四川菜色，仲有好多唔同款嘅客饭包括唔辣嘅客饭。不过因为我地平时都有食下辣，对自己嘅食辣能力都有啲信心嘅，所以就叫左两个四川辣野试试佢，我地就叫左麻辣珍肝同毛白旺。
四川菜嘅辣果然系非同小可，好辣！麻辣珍肝香气扑鼻，猪肝嘅辣椒味十分入味同埋好鲜香，香料味十足，咸味合适。加上我好钟意食洋葱，佢炒得唔会太熟岩岩好，配搭辣椒嘅味道超正，并衬托出整道菜嘅辣味。
毛白旺嘅麻味同辣度十足，其中浓烈嘅麻味全靠盆中粒粒花椒，辣椒入味，麻辣汤底油而不腻。锅中有猪红、猪肚、鲩鱼肉同豆卜等宝物，份量充足，混和四川辣味十分滋味！虽然对我地黎讲好辣，但系慢慢系锅中寻宝食都系好欢乐美味。
此外，餐厅环境几好，有三张大圆枱，同埋食物有辣有唔辣，辣嘅仲有辣度可以拣，好适合一大班朋友或者一大家人上去食架！
张贴
