漁舍酸菜魚 (已結業)

同事佢话想食酸菜鱼，就去咗公司附近嘅北角汇，有一间叫渔舍酸菜鱼嘅餐厅，佢嘅午餐主打渔舍招牌粉面餐，佢仲有其他麻辣口水鸡，老干妈五层肉等等，一听就知呢间食辣野 粉面餐可以拣不同汤底，有招牌酸菜汤，惹味水煮汤同埋清香鱼汤，肉类就可以拣海胪鱼，牛肉同埋豚肉，面底可以拣米线，薯粉，淮山面，乌冬面同白饭，另外仲可以加$10 配其他嘅配料。我拣咗酸菜鱼配白饭，辣度就微辣 (因为唔太食到辣)，酸菜鱼上枱，好大碗，海胪鱼都有好多旧，酸菜同汤底偏酸，我叫微辣，但食落都好辣，食到满头大汗，睇嚟四川野都系唔啱我口味