香辣鮮

营业中

休息中

辣呢样野真系令人上瘾，有时耐冇食辣，就口痒～呢间餐厅嘅川菜料理辣度岩岩好，而味道都算得上惹味，令到钟意食辣嘅我都好满意(๑˃́ꇴ˂̀๑)✎ 酸菜鱼二人套餐($198) 套餐除咗有酸菜鱼，仲包小食、两碗白饭同两罐汽水，份量都算多，够两个人食～我哋叫咗中辣嘅酸菜鱼，食到系咁出汗，都几辣下～但系味道认真唔错，好在佢有番咁上下辣度，同时唔会太酸。入面材料有鱼、金菇、酸菜、芽菜同葱。汤几浓郁，几好饮；啲饭几有咬口，唔会太干；啲鱼好滑嫩，冇乜骨。如果食食吓觉得太辣，仲可以食佢啲凉拌小食解辣～有云耳、海哲同青瓜，云耳同海蜇几爽口，几解腻，而青瓜拌酸酸哋嘅芝麻酱，fresh得嚟，更开胃。