香辣鮮

营业中

休息中

辣呢樣野真係令人上癮，有時耐冇食辣，就口癢～呢間餐廳嘅川菜料理辣度岩岩好，而味道都算得上惹味，令到鍾意食辣嘅我都好滿意(๑˃́ꇴ˂̀๑)✎ 酸菜魚二人套餐($198) 套餐除咗有酸菜魚，仲包小食、兩碗白飯同兩罐汽水，份量都算多，夠兩個人食～我哋叫咗中辣嘅酸菜魚，食到係咁出汗，都幾辣下～但係味道認真唔錯，好在佢有番咁上下辣度，同時唔會太酸。入面材料有魚、金菇、酸菜、芽菜同蔥。湯幾濃郁，幾好飲；啲飯幾有咬口，唔會太乾；啲魚好滑嫩，冇乜骨。如果食食吓覺得太辣，仲可以食佢啲涼拌小食解辣～有雲耳、海哲同青瓜，雲耳同海蜇幾爽口，幾解膩，而青瓜拌酸酸哋嘅芝麻醬，fresh得嚟，更開胃。