烤魚工房 (南天大厦) (已搬遷) 新店位置

2020年10月3日晚餐連好友一同6人進餐，重點係大家都鐘意食辣，尤其係四川麻辣。。。。。。。烤魚係必食，今次揀左「香辣豆花江團魚」小麻小辣。魚好新鮮，烤味十足，如果你有經常返深圳食烤物，一定會愛上。烤茄子必食。（呢個唔可以唔食）烤豆皮好正。烤肉串必食。。。。。。。再加杯「百香果水果茶」成餐飯滿分。之前有食評話服務員態度唔好，我認為睇咩時候，如果繁忙時間，出面排隊班人又係到噪，好難令人平靜，始終位唔算太多。今次呢餐飯有驚喜。唯一缺點係1. 坐枱位置狹窄2. 個烤魚鐵盤大大個，見佢托住係窄道行，幾牙煙，有小朋友食一定要小心。