十二味不只是烤魚 (已結業)

辣呢样野自己都几钟意，但又唔敢成日食，怕刺激肠胃，又爱又恨。不过偶尔都会放纵一下，今日去左呢度辣番晚。呢度主打烤鱼，但铺名已经讲明不只烤鱼，所以聪明既我地当然唔拣烤鱼。川式口水鸡 $68大量辣油辣酱衬托住鸡，又香又辣，食第一道菜已经可以开始叫野饮。麻辣猪耳 $48麻同埋辣并重，猪耳入晒麻辣既味道，加上芫茜同埋花生，味道同口感都好丰富。唯一美中不足系猪耳太薄身。无敌好吃辣子田鸡 $158多数食开辣子鸡既我，今次转转口味食下田鸡。"辣子"既味道无需怀疑，刺激味蕾。田鸡比平时食开既鸡多骨，但多数一条起两条止。向阳牛肉炒宽粉 $76牛肉炒宽粉味道有d似干炒牛河，但宽粉同河粉口感截然不同。宽粉如其名，比河粉阔得多，而且口感烟韧，食落感觉焕然一新。今晚呢餐真系食得好辣，离开餐厅既时候个肚仲系热辣辣。呢度既辣果然有番两道。