DKLM Bar & Restaurant (已結業)

今晩同班 Friend 上嚟呢间新开嘅楼上吧食下嘢吹下水。Ktini ($128)呢个字读都唔识读，见有热情果汁就嗌咗。点蟹饮咗第一啖真系眼都凸岀嚟，竟然系辣架！啲辣味仲要系隔咗几秒先攻岀嚟。再望多次个 Menu 先知原来系用咗辣椒 Vodka、白酒、苹果汁、热情果和柠檬汁沟成。我就觉得个味好特别，几多饮，可能本身我食得辣。但唔食得辣嘅就千奇唔好试。烧烤风味薄饼 ($108)Pizza 用咗辣肉肠、烟肉、Mozeralla 芝士、菠萝整成，啲馅太少，pizza 都好细份，每人分得几啖好唔够喉。同埋个饼底唔够薄唔够脆口。澳洲羊架 ($78)呢个羊架用咗胡椒烧汁，好惹味，用质都几腍而入味，膻味就有小小，不过过下口瘾都唔错。芝士烧美国露荀 ($58)呢个好味，露荀好爽口。但偏幼身，份量好小。