246
42
24
等级2
9
0
辣带子炒饭、柚子沙律、青咖喱鸡、猪颈肉、芝士焗蚝、明炉盲曹鱼、芒果沙冰
2020-05-31 466 浏览
作为口味重嘅朋友，泰菜确系不二之选，系香料、香料同超级多香料。先讲下环境，甫入门口就有一架笃笃系门口系觉得佢有心打扮下间铺头。个人觉得佢嘅2人餐好似太多，3人食刚刚好，叫好野食上菜都上得好快，点知第一个上黎嘅竟然系辣带子炒饭，是咁的虽然我吾系食紧fine dinning，但我系有超重嘅食饭仪式感，除非我叫系叫左一碟饭，如果吾系主食系应该食左前菜或者小食先上，hmm..但我都有食左，先讲个辣炒饭，我觉得有惊喜嘅，因为佢系用左pad thai嘅感觉，辣中带少少甜，每一啖饭带点湿润，带子似乎系急冻货，冇得重鲜味，但系佢加咗落炒饭，有少少辣辣地又甜甜地嘅味道，尚算不俗。然之后系青咖喱鸡，青咖喱嘅味道唔错，咖喱有颇重椰奶味，完全唔辣，但系鸡就一般啦，或者系我唔系好钟意食鸡，我觉得肉质一般，但唔算系overcook，夹系薄饼都食，都还好。之后送上嚟嘅系迟到嘅猪颈肉同埋柚子沙律，先讲柚子沙律，佢系用完只柚子灭落嚟嘅，加上花生洋葱等配料，入口有咬碎嘅柚子汁，配上香口嘅佐料，有别于一般柚子碎粒加沙律菜又系另一种柚子沙律嘅体验，至于猪颈肉系全晚最失望嘅一碟菜，虽然肉质都OK，但系味道有啲似叉烧，系要陪酱食
更多
作为口味重嘅朋友，泰菜确系不二之选，系香料、香料同超级多香料。先讲下环境，甫入门口就有一架笃笃系门口系觉得佢有心打扮下间铺头。个人觉得佢嘅2人餐好似太多，3人食刚刚好，叫好野食上菜都上得好快，点知第一个上黎嘅竟然系辣带子炒饭，是咁的虽然我吾系食紧fine dinning，但我系有超重嘅食饭仪式感，除非我叫系叫左一碟饭，如果吾系主食系应该食左前菜或者小食先上，hmm..但我都有食左，先讲个辣炒饭，我觉得有惊喜嘅，因为佢系用左pad thai嘅感觉，辣中带少少甜，每一啖饭带点湿润，带子似乎系急冻货，冇得重鲜味，但系佢加咗落炒饭，有少少辣辣地又甜甜地嘅味道，尚算不俗。然之后系青咖喱鸡，青咖喱嘅味道唔错，咖喱有颇重椰奶味，完全唔辣，但系鸡就一般啦，或者系我唔系好钟意食鸡，我觉得肉质一般，但唔算系overcook，夹系薄饼都食，都还好。之后送上嚟嘅系迟到嘅猪颈肉同埋柚子沙律，先讲柚子沙律，佢系用完只柚子灭落嚟嘅，加上花生洋葱等配料，入口有咬碎嘅柚子汁，配上香口嘅佐料，有别于一般柚子碎粒加沙律菜又系另一种柚子沙律嘅体验，至于猪颈肉系全晚最失望嘅一碟菜，虽然肉质都OK，但系味道有啲似叉烧，系要陪酱食先至可以挽回一把，个人唔会再食嘅一碟𩠌，食完柚子沙律芒果沙冰先上，其实已经食到我满头问号，芒果沙冰反而味道都可以，但系你好明显饮得出佢系浓缩饮品，加果肉加冰嘅味道，唔算难饮，但系好普通啰。之后上咗明炉盲曹鱼，个人好钟意食泰式明炉，因为我觉得热食系最好食，刚嚟到嘅时候我先试个汤底，酸味同辣味适中但未有鱼鲜味，鱼嘅肉质都几细嫩，加上汤底食都不俗，但系食到20分钟左右，就开始食到汤底有苦涩味，估计大约系西柠皮煲得太耐，浸左啲苦涩味出嚟，就开始减分啦。系食紧盲曹鱼途中，又杀出四只芝士焗蚝，我觉得芝士焗蚝都系失色，首先，先讲外表啦，佢焗到变咗金黄色本来系几吸引，食落去芝士皮外脆，但系咬落去芝士略带酸，然后食到只蚝似乎有啲干，欠缺左蚝本身嘅鲜味，下次我都唔会再order。讲完食物嘅质素反而想提一提餐厅侍应嘅服务，佢哋都几有礼貌，虽然上菜上到一头雾水，但系当我哋去食完青咖喱，佢都会主动帮我哋换碟，亦有主动问我哋需唔需要Wi-Fi服务，同埋非常之主动帮我哋加水，我觉得服务上面力挽狂澜一啲分数。今次大概食咗人均280蚊，食唔食自己衡量啦。
餐厅：泰式食- Causeway bay, Kimberley road
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
用餐日期
2020-05-30
用餐途径
堂食
人均消费
$280 (晚餐)
推介美食
  • 柚子沙律