漁舍酸菜魚 (已結業)

之前嚟过北角汇食嘢，发觉呢度都几多嘢食，今日就约咗朋友嚟呢度嘞，拣咗呢间食川菜嘅！地方都好大坐得好舒服！见到好多人食酸菜鱼同鸡煲，挣扎咗好耐之后就拣咗叫鸡煲！叫咗个前菜麻辣皮蛋凉拌豆腐，本身以为系酸酸辣辣，但因为佢应该系加咗梅子，所以味道系甜甜辣辣咁，味道都几新鲜几得意，好开胃，用嚟做前菜真系一流！本身我以为个鸡煲系好似出面咁，食完用嚟打边炉，但店员话呢度嘅做法系拣好哂嘅配菜会一次过咁炒埋落去，咁我哋就拣咗金菇、油麦菜、枝竹等几个配菜！嚟到见到好热辣辣，卖相好吸引而且份量都好多！轻轻再炒炒就食得嘞！鸡件好嫩滑，成个鸡煲辣度都好够！枝竹吸收晒鸡煲嘅汁所以好惹味！本身嘅鸡煲都有好多附带嘅配菜，好似呢啲莴笋咁，好好食！食完饮返杯青柠梳打解辣真系一流！今次呢个鸡煲好食得嚟又好有新鲜感，下次嚟会试埋呢度嘅酸菜鱼！