南記粉麵 (黃埔天地奇妙坊)

营业中

休息中

果日朋友系附近返工, 专登约佢试下呢间南记, 睇下味道上有无咩太大分别, 其实因为之前食开其他既南记分店, 都好钟意佢地既面。入正题啦, 因为我本身就好钟意食麻辣, 同埋亦都好食得辣。见到佢有麻辣米线就当然好开心咁, 谂都唔谂就叫左鱼蛋牛展麻辣米线。等左一阵间, 同朋友倾下计, 时间好快过就可以拎得, 埋到位当场系相机食先啦。试左佢啖汤, 唔错, 够味道, 好多时食面就系食佢个汤底而呢间南记个汤底浓而不腻, 个麻辣味亦都好足够, 够麻又够辣 岩晒我口味。至于个𩠌既果方面, 鱼蛋同街边鱼蛋有少许分别, 就系个鱼蛋够晒弹口, 唔会无咬口, 比想像中好; 个牛展好有肉汁, 就咁望以为好干身, 但其实咬落去果下, 入面既肉汁先会渗出黎。个米线同其他好食既米线分别不大, 都系好滑, 粗幼适中, 咀嚼既时候唔会一咬就变成一糊咁样, 每一条都好分明, 汤既精华亦都渗左入面入面。 好食, 值得一试。