影片
更多
2022-08-17
488 浏览
天气咁热🥵就想食啲凉菜，四川凉皮就啱晒。凉皮一向系我至爱之一，贪佢麻麻辣辣好惹味😗又可以配搭自己钟意嘅𩠌。今次就试下红磡呢间正粉皮凉皮专门店，本身卖汤水出身，系宝琳同屯门起家，而家搬到红磡呢条食街，主打凉皮、水晶粉、银针粉等，每日仲有超足料无味精嘅老火汤，同埋各款四川小食。配料种类非常多，有唔少仲系自家腌制，同出面好唔同👍🏻👍🏻吾食正粉皮（麻辣）麻辣可以拣小、中、大辣，如果系中／大辣会用上新鲜辣椒🌶小辣呢款辣度唔高，比较合家欢，但吃罢嘴唇都会麻，几惹味。粉皮同坊间好唔同，形状系卷起，食落口感零舍烟靭弹牙。配料拣咗花胶、土豆丝、鸡肾、木耳，每款都系份量十足，花胶大大件唔会碎湿湿🤩口感弹牙；鸡肾同样有咬口，味道唔错😋😋无毒银针粉（泰式酸辣）除咗常见嘅麻辣，呢度仲有秘制嘅泰式酸辣，几有新鲜感。酱汁辣度较麻辣小辣高，酸酸辣辣好醒胃😛😛银针粉一般都系饮茶先会食到，仲要放汤，今次第一次食凉拌版本，口感唔会因为放凉而变硬，咬落粉粉地都几得意，配上爽口嘅猪耳、莲藕粒，同埋好厚身又索晒汁嘅枝竹，好满足😙粉葛鲮鱼赤小豆汤食粉面加$18就有老火汤饮，单点$40仲有双倍份量，足够3个人饮👍🏻款式成日会转，新鲜
吾食正粉皮（麻辣）
麻辣可以拣小、中、大辣，如果系中／大辣会用上新鲜辣椒🌶小辣呢款辣度唔高，比较合家欢，但吃罢嘴唇都会麻，几惹味。粉皮同坊间好唔同，形状系卷起，食落口感零舍烟靭弹牙。配料拣咗花胶、土豆丝、鸡肾、木耳，每款都系份量十足，花胶大大件唔会碎湿湿🤩口感弹牙；鸡肾同样有咬口，味道唔错😋😋
无毒银针粉（泰式酸辣）
除咗常见嘅麻辣，呢度仲有秘制嘅泰式酸辣，几有新鲜感。酱汁辣度较麻辣小辣高，酸酸辣辣好醒胃😛😛银针粉一般都系饮茶先会食到，仲要放汤，今次第一次食凉拌版本，口感唔会因为放凉而变硬，咬落粉粉地都几得意，配上爽口嘅猪耳、莲藕粒，同埋好厚身又索晒汁嘅枝竹，好满足😙
粉葛鲮鱼赤小豆汤
食粉面加$18就有老火汤饮，单点$40仲有双倍份量，足够3个人饮👍🏻款式成日会转，新鲜煲制，大大碗汤入面有唔少材料，完全无味精，饮得出好足料、好有家的味道嘅汤，比起自己买材料煲性价比更高😎😎
人均消费：$50
推介指数（10分为满分）：8分
张贴
