麻辣派對 (金百利廣場) (已結業)

同朋友Shopping完我想食辣野，佢想食鱼所以佢就提议近近地去啲间环境舒服，好有情调🔆重庆铜盘烤石斑-老檀酸菜味型（BB辣）另加肥牛肉 & 毛肚（牛栢叶）好大锅，石斑已起骨，全鱼煎香，底部放左劲多配料（芽菜、莴笋、蒟蒻、金菇、豆腐。。）再额外加左毛肚同肥牛肉，大锅到我同朋友怀疑食唔食得晒，好彩最后食得晒！石斑厚肉无骨，啖啖肉，吸收埋汤汁，酸辣适中，爽！ 而牛肉、毛肚同酸菜真系最夹，全部食清！跟住叫左3个小食🔆派对口水鸡 （BB辣）啲鸡好滑，辣味刚好，岩晒我啲钟意食辣又不能食太辣既人🔆鲜椒爽脆生肠 （BB辣）一向都好钟意食生肠，啲间个生肠真系整得好爽脆，配埋个鲜椒辣汁真系无得顶！够晒野味！ 🔆凉拌鱼皮卷 （BB辣）鱼皮唔系好多地方有得食，而且仲要整得好食都唔易，所以一试，都有惊喜！ 鱼皮、辣汁配埋花生，一口一啖，回味无穷！ 虽然我只系BB辣级数，但整体全部都有惊喜！仲要辣得好过引！