川吧

营业中

休息中

好耐冇去太子揾FD，原来太子新开咗唔少小店，FD话不如食间内地风味烤鱼，咁一定要试试。店铺唔大，晚市都算几full下。睇落烤鱼系每一台必叫，有D信心啦。凉拌青瓜，青瓜拍得好细件，落咗大量蒜蓉辣油,香醋同青瓜捞埋一齐，好惹味。凉拌鱼皮，哩份前菜好少见，鱼皮食落好脆口，一D都唔会觉得腥，好似食咁牛筋，几特别。麻辣味清江鱼一条，原本想加少少配菜，FD话里面已经有腐竹同鹌鹑蛋，唔洗加都好够食。烤鱼好快黎咗，配菜原来唔单止有腐竹同鹌鹑蛋，仲有洋葱，酸菜，木耳同埋芽菜等，真系劲丰富。清江鱼一条真系好大，鱼肉无骨，肉质烤完都好鲜嫩。落单前，侍应特别问是否可以食辣，话如果可以食辣，建议落中辣。哩个建议真系唔错，中辣真系有少少辣，又唔会觉得太辣，搭配埋烤鱼食好过瘾TIM。最后真系食到一身汗，辣得好舒服！