肥姐麻辣餐廳

营业中

休息中

今天刚刚去完荃湾shopping，行过公园附近见到肥姐麻辣餐厅，因为都几耐未食过啲劲辣嘅嘢，所以就入去试试；入到餐厅坐喺卡位，坐位都好阔落，见肥姐好热情咁样招待啲宾客气氛好融洽；我和朋友就点咗三个招牌菜；就系辣子鸡，口水鸡同埋麻婆豆腐，再加支啤酒，啤啤佢。开胃菜就嚟咗个送嘅麻辣蚕豆同埋牙菜，辣辣地都真系几开胃，跟住就喺一个用铲做碟，上嘅辣子鸡，睇个样都好特别，面头铺满满的辣椒，好有气势，食落真系唔错，有啲鸡炸过，比较脆口，辣度亦都相当强劲，绝对推介；口水鸡嚟到时，真系好似啲口水浸住啲鸡，食落啲鸡好滑，同埋好有鸡味，啲青瓜亦都好入味，不妨一试。跟住个麻婆豆腐，啲豆腐好入味，好滑，真系食到唔停得口，支森堡啤，有惊喜，饮落唔错㖞，见佢平平哋试下，但系又冇苦味好清凉。一个出晒汗，热辣辣嘅晚饭！好水冷气都劲凉。