新記車仔麵 (已結業)

朋友好钟意食车仔面，所以成日跟佢去食，呢间都系佢好钟意食嘅其中之一！食车仔面就预无得坐得舒服架嘞，一定系搭枱加接櫈格局，我今次点左三𩠌一面40 蚊！佢两𩠌就36蚊！我拣咗鱿鱼须、萝卜、猪肠，加腩汁同辣汁！鱿鱼须好好食，弹牙唔会冧，猪肠不过不失，萝卜有啲失色因为有渣，值得一赞系腩汁，好浓好味，辣汁其实系辣酱，我唔系好食得辣但都觉得好味！我拣左粗面，但面就无咩特别！不过成碗面份量都唔多，如果饿嘅朋友可能未必食得饱嘞！