老長沙湘菜館

营业中

休息中

好耐冇食中菜，同朋友去开铜锣湾，见到有间中菜馆，就入咗去食。菜单好多选择，我哋叫左店员推介嘅擂椒茄子皮蛋、香辣串串虾同气锅鱼头。因为怕太辣，所以叫咗小辣。首先黎嘅系香辣串串虾，虾炸得金黄，食落带啲麻辣，连壳食更能感受风味。接著系擂椒茄子皮蛋,材料有皮蛋、青椒、蒜头、茄子，系地道嘅湘菜，虽然其貌不扬，但真心好食，非常开胃，如果唔系店员推介，我哋应该唔会试。最后就系气锅鱼头，鱼头非常大，除咗好有鱼味嘅鱼肉，仲有鱼肚、鱼云，食落爽脆Q弹香辣，配埋酸菜食一绝。总括而言，钟意食辣嘅朋友唔可以错过嘅一间餐厅。