合興車仔麵

营业中

休息中

趕時間去做運動，想食少少野墊個底，但又唔想食麵包咁Dry，機緣巧合之下就走咗入依間車仔麵店啦。本身諗住叫兩個餸，但佢最低消費要三餸加麵，所以就叫咗冬菇、魚片頭，麻辣豬耳油麵啦，炆冬菇食得出係心機之作，每粒都飲飽水咁，魚片頭就基本啦，最有驚喜嘅就係個麻辣豬耳！食咗一條我就決定下次要黎試晒其他麻辣汁嘅餸！麻辣豬耳因為有辣油，所以係另上的，唔會俾啲湯沖淡晒，麻辣汁係又麻又辣，仲得意地有少少甜（可能我條脷壞咗），豬耳爽脆彈牙，唔似某仔米線咁會麻到苦，真係後悔冇叫多幾個餸！