影片
更多
2019-01-18
176 浏览
呢间面铺距离地铁站都要行10分钟，中午时候总会有好多学生等候，座无虚席，今日我同朋友特登一试。面铺规定每碗面最少要叫3𩠌，自己攞起莹光笔highlight食物名称就可以。第一碗地狱辣肉球，本身睇个名，以为系一啲好辣嘅球体炸丸，原来系好辣嘅肉酱，酱如其名，辣到我流晒眼泪，不过够香辣过瘾，唔食得辣嘅朋友千其唔好叫。卤水猪肠，睇佢表面卤到深褐色，就知道猪肠绝对系有水准，超级入味软腍十分赞好，喜欢猪肠嘅朋友不能错过。爆脆鱼皮，咬落去又真系好脆好大声，鱼皮本身够脆唔够咸，浸一浸个辣汤会好食啲。呢碗面系中辣+咖哩汁，呢两只汁都系辣，再加埋地狱辣肉球捞落去，结果唔止中辣，直头觉得系大大辣。第二碗卤水猪肠，我朋友同我一致好评。咖喱辣鱿鱼，呢个鱿鱼令人有啲失望，个𩠌系推介之一，可能因为咖喱汁融入晒碗面到，搞到食落似普通水鱿鱼，系爽口，不过冇乜味。墨汁墨鱼丸，唔好睇佢外表黑忟忟咁唔讨好，食落有墨鱼鲜味，口感不算弹牙亦唔会好差，都值得一试。呢碗系微辣+咖喱汁，可能有埋咖喱汁嘅缘故，食落似小辣，所以大家拣辣拣汁嘅时候记得谂清楚。台面上有麻油、七味粉、醋、盐、辣菜脯可以任加，另外加左两支自制支装五花茶，微甜，冻
第一碗
地狱辣肉球，本身睇个名，以为系一啲好辣嘅球体炸丸，原来系好辣嘅肉酱，酱如其名，辣到我流晒眼泪，不过够香辣过瘾，唔食得辣嘅朋友千其唔好叫。卤水猪肠，睇佢表面卤到深褐色，就知道猪肠绝对系有水准，超级入味软腍十分赞好，喜欢猪肠嘅朋友不能错过。爆脆鱼皮，咬落去又真系好脆好大声，鱼皮本身够脆唔够咸，浸一浸个辣汤会好食啲。呢碗面系中辣+咖哩汁，呢两只汁都系辣，再加埋地狱辣肉球捞落去，结果唔止中辣，直头觉得系大大辣。
第二碗
卤水猪肠，我朋友同我一致好评。咖喱辣鱿鱼，呢个鱿鱼令人有啲失望，个𩠌系推介之一，可能因为咖喱汁融入晒碗面到，搞到食落似普通水鱿鱼，系爽口，不过冇乜味。墨汁墨鱼丸，唔好睇佢外表黑忟忟咁唔讨好，食落有墨鱼鲜味，口感不算弹牙亦唔会好差，都值得一试。呢碗系微辣+咖喱汁，可能有埋咖喱汁嘅缘故，食落似小辣，所以大家拣辣拣汁嘅时候记得谂清楚。
台面上有麻油、七味粉、醋、盐、辣菜脯可以任加，另外加左两支自制支装五花茶，微甜，冻冻地，食左辣饮番啖完全冇得输。
总数106蚊，车仔面黎讲价钱属于中等，不过我几支持呢啲街坊铺，所以下次会再黎食。
张贴
