湘聚小廚

营业中

休息中

西环有间中意食辣会去食既中菜厅，就去试下啦！见到门口挂上红色既中式大灯笼，好有中国特色。装潢以木为主，用木枱木櫈，系几传统的中式饭厅。小食两款，原来每款收8蚊，左系腌辣海带，右系炸花生，好似话唔食可以叫佢收起有九折蚬蒸蛋　$78蛋蒸得好油滑，蚬好新鲜，无沙，一碟入面有好多只，有成二十只左右，所以蛋都有好浓嘅蚬味，好鲜甜！最中意呢个𩠌 , 唯一一款唔油嘅𩠌！茄子炒长豆角 $78当晚无菜食，所以叫左呢个。有啲油，但好够镬气，原本以为可以清清地，但原来都落左唔少辣椒落去炒，都辣辣地。孑然寸骨 $118有六条，上面铺满红辣椒，以为会辣到喷火，但唔连埋辣椒食，只系带少少辣油系面，微辣。肉好嫩，唔un，几惹味！小炒拆骨肉炒蛋 $118望落以为绿色嘅系普通蔬菜加左入去炒，原来系大量嘅辣椒，令到啲肉同蛋入哂辣味。肉同蛋都好嫩，送饭一流！呀姐服务几好，会提要不要叫白饭，食到只碟好多骨，会主动帮手换碟！中意食辣嘅人，一定会食得好过瘾，不过我个frd就食到变左妈润肠，好好笑，下次黎西环有机会再试。