四姐川菜

营业中

休息中

心血来潮想食川菜，就黎咗位于四姐。一早都已听闻四姐，今日有机会一试，都好期待。餐厅环境好大，而且坐得好舒服。蒜泥青瓜未食正餐，先上一道前菜开开胃。呢道前菜既蒜味唔会好强烈，调味恰到好处，唔会抢咗主角青瓜既风头。青瓜好新鲜，食落非常爽脆，而且好清新。招牌四川凉面见到系招牌菜，当然要点一份试下。果然非常好味！成个凉面既精髓，酱料，非常惹味，系一种香辣，唔会呛喉。真系食唔停口😋。凉面仲可以自行选择辣度，啱返自己口味。蕃茄蛋花汤蕃茄汤蕃味好香，仲有好多片片蕃茄系个汤入面，真材实料，超正呀。酸菜鱼好少餐厅有酸菜鱼，难得有，梗系要柯打一客。份量超大方，有劲多鱼，三至四人食都唔成问题。鱼块肉质好嫩滑，而且无骨，食落好方便，而酸菜则十分爽脆。真系超多料呀！香辣鱿鱼虾除咗主角鱿鱼同虾，仲用咗大量香料炒，所以食落好够味。大虾外层好香脆，虾肉保持鲜嫩，一脆一嫩，食落好正。鱿鱼同样唔逊色，煮得啱啱好，唔会太靭。