嫲嫲辣辣 (首都廣場) (已結業)

嫲嫲辣辣菜式价钱亲民，菜单上面既辣食菜式仲有超多选择，海鲜肉类都不缺，餐厅环境光亮坐位阔落，间中想食下麻甩菜式啤啤佢但又唔想去大排档怕污糟既黎呢度就岩晒👍🏻❥香辣蚬干锅 $99最切合嫲嫲辣辣主题既干锅，懒人唔想拆壳所以选择左食蚬🤭干锅入面用左好多只小辣椒一齐炒，小辣都有如一般店子既中辣感觉，辣得过瘾，食唔到辣要注意辣度啊。❥凉拌皮蛋 $38略为觉得底部既青瓜无乜味道，皮蛋亦不够鲜香味，略为逊色。❥红油虾 $78前面都有提自己好怕拆壳整到污糟邋遢，但呢个虾佢好有心机地虾身系去左壳先至上碟，配上佢地既辣油酱带出虾既鲜味。❥嫲嫲老干妈炒饭 $76呢个炒饭绝对推介，炒得非常香，饭粒软硬适中，饭粒炒至金黄一粒粒，好野味👍🏻