影片
更多
2014-08-11
2479 浏览
约左好耐无见既朋友食饭，2年前系北京认识，食左唔少辣野，今晚特登要试下呢个麻辣香锅，重温一下 十二味唔难揾，出左地铁行一条街再转入另一条小街，就系甜唔工房隔离上5楼，一出lift已经见到大大个名! 原本上到去就无晒枱，不过我地订左枱，店员就安排一枱岩岩坐低既客人转枱而比张枱我，搞到我有少少唔好意思，不过既然知道有人订枱就应该安排好嘛... 留意到呢度有室外位，别有风味，如果唔系天气闷热都可以坐出面 而且呢度装修几有家的温暖既感觉, 木制既桌椅, 如果加个火炉就好有个种冷冷的冬天要食辣锅既feel! 加上侍应大多都系讲普通话, 真系好有回到北京既味道! 坐低就见到枱面放左张设计精美既点菜纸, 可以选择锅底, 馅料, 小菜, 饮品... 简单易明, 亦有打星推介菜式! 受朋友推介拣左个蒜泥黄瓜做前菜, 系个冻盘黎既, 微酸既青瓜有点蒜味, 几开胃, 都唔错!叫左个孜然锅底, 根据菜单既scale: 微辣<小辣<中辣<大辣<变态辣, 我地拣左中间既中辣, 希望唔好太辣啦! 黎到见到都有好几粒大辣椒系面, 而且都嗅到一阵辣味, 幸好放入口都仲OK
十二味唔难揾，出左地铁行一条街再转入另一条小街，就系甜唔工房隔离上5楼，一出lift已经见到大大个名! 原本上到去就无晒枱，不过我地订左枱，店员就安排一枱岩岩坐低既客人转枱而比张枱我，搞到我有少少唔好意思，不过既然知道有人订枱就应该安排好嘛...
留意到呢度有室外位，别有风味，如果唔系天气闷热都可以坐出面 而且呢度装修几有家的温暖既感觉, 木制既桌椅, 如果加个火炉就好有个种冷冷的冬天要食辣锅既feel! 加上侍应大多都系讲普通话, 真系好有回到北京既味道!
坐低就见到枱面放左张设计精美既点菜纸, 可以选择锅底, 馅料, 小菜, 饮品... 简单易明, 亦有打星推介菜式!
受朋友推介拣左个蒜泥黄瓜做前菜, 系个冻盘黎既, 微酸既青瓜有点蒜味, 几开胃, 都唔错!
叫左个孜然锅底, 根据菜单既scale: 微辣<小辣<中辣<大辣<变态辣, 我地拣左中间既中辣, 希望唔好太辣啦! 黎到见到都有好几粒大辣椒系面, 而且都嗅到一阵辣味, 幸好放入口都仲OK, 仲辣得几过瘾 原来孜然系一粒细细既调味, 好似八角咁样, 带D香香麻麻既味道, 食既时候唔觉意咬到粒孜然个口就会麻麻地, 所以大家要小心!我地叫既鸡软骨, 鸡肾, 猪耳, 冻豆腐配辣都好过瘾, 爽爽既质感又带有辣既刺激, 食到唔识停!
食辣野当然要饮杯冻饮先掂啦 朋友叫左杯海南风情, 佢地描述为黑色罐个只椰汁奶... 我就叫左杯桂花冰酿, 原本以为系带酒味既, 不过都系淡淡的, 最尾有少少桂花味... 都系辣锅比较出色, 饮品只系一般...
埋单个时送左一人一粒糖, 可能系惊我地太辣, 粒糖上面印左十二味, 好特别! 不过就唔系太好食... XP
张贴
